طبعا كلنا نفسنا نعيش الحب ونجربة نفسنا نحب ونتحب ودى احلى حاجة طبعا ممكن الانسان يعيشها هى الحب
بس هقولكم شوية نصايح اتمنى انكم تفكروا فيها كويس علشان متندموش
فى البداية لو انتا من الشباب اللى بيحبوا يتسلوا بالبنات باسم التعارف ونقضيها فى اللذيذ يبقى حضرتك اخطأت اختيار المقال .
انا اقصد اللى بيدور على الحب وبجد نفسة يعيشة موش عاوز يتسلى
فى البداية قبل ما تفكر فى الحب لازم تنظم كام حاجة فى حياتك علشان تكون الاجواء مهيئة تماما
1 لازم تكون معاك عمل قائم يعنى تكون شغال سواء كنت طالب او انهيت الدراسة اوعى تحب وانتا موش مستعد بجد هتندم يبقى تدور على عمل ممتاز يكون العائد منة مقبول
2 تبتدى تنظم حياتك وتبعد عن التبذير والاسراف فى الفلوس وتمسك ايدك شوية علشان تكون مبلغ يذكر بالقيمة .
.ونصيحة
****لو بتشرب سجاير حاول توفر الفلوس دى واعمل صندوق خشب وشوف انتا بتشرب كام علبة سجاير فى اليوم وحط الفلوس دى فى الصندوق وانسى الصندوق دة خالص اوعى تفتحة الا فى الميعاد
المحدد هقولك الوقت بس اصبر المهم تضيف كل يوم تمن السجاير اللى بتشربها عادة فى اليوم .
3- لو انتا طالب وبتدرس لسة او حتى خلصت دراسة وراضى على عملك اللى انتا فية يبقى تمام اجتهد علشان تكون التوب فية اما لو واخد العمل دة سلمة مؤقتة يبقى تحاول تشغل مخك وتفكر فى افكار
ممكن تحول حياتك (ممكن افيدك بكام كتاب عندك كتاب فكر واغتنى - كتب قوة عقلك الباطن -كتاب الاب الغنى والاب الفقير ) اعتقد انك لو درست الكتب دى صح تفكيرك هيختلف وهتلاقى افكار تغير مجرى حياتك للاحسن باذن الله .
4- اعتقد انك دلوقتى ممكن تكون جمعت مبلغ محترم ( انتا ادرى بحالك منى )
دلوقتى ممكن تمسك ورقة وقلم وتكتب مواصفات البنت اللى نفسك تحبها وترتبط بيها .
انا موش هفرض عليك راى شخصى بس عن نفسى موش هتجوز الا من احببت ولن احب الا من تزوجت واكيد مفيش واحد فينا بيتمنى انو يحب اكتر من 20مرة كلنا بنتمنى اننا نحب مرة واحدة بجد الحب الاول بيكون لة طعم تانى
وعلشان يكون الحب الاول خالى من المواد الحافظة يبقى لازم تفكر 1000 مرة قبل ما تتحرك
كنت قولتلك قبل كدة هات ورقة وقلم واكتب مواصفات من تتمناها حبيبتك وزوجتك ممكن اقولك دلوقتى
اخرج عن النص واختار بعيد عن اللى كتبتة ( تقريبا ككل الشباب ممكن تكون كتبت على درجة عالية من الجمال اوى - عندها مقومات انوثة عالية ................ال.... لو موش جميلة عادى ممكن معيار الجمال يختلف بس الاهم عندنا كلنا ونتفق فية جمال الروح ممكن تكون عادية بالنسبة لجميع البشر
لكن بالنسبة ليك هية نور حياتك ابتسامتها فعلا بتنور حياتك
علشان مطولش عليكم .....هه اخترت؟؟ بس اكيد اخترت صح متستعجلش انا عاوزك تعيش احلى حب حب يتوج باجمل ارتباط وينتج عنة اجمل حياة وسعادة واولاد هما كل حياتكم
واكيد دة اللى كنت بتمناه لنفسى بس.........!؟
علشان كدة معظمنا بيقول ان الحب الاول غالبا ما يفشل ............انا بقولكم الكلام دة علشان تستمتعوا بية وتنجحوا فية باذن الله .
ا***** بعد ما تصادف الانسانة اللى حاسس تجاها باى كهربة اسال نفسك قبل ما تفاتحها هية دى اللى اتمناها زوجة وام لاولادى ....؟ انا اكتب هذا الكلام لسعادتكم انتم ايها الشباب فلا تفكروا فى انفسكم وتنسوا البنات لو مش عجباك سيبها ومتقولش اجرب زى مانا خايف على قلبك من الصدمة خاف على البنت برضة .
**** اعتقد ان الرسالة وصلت وحضرتك فكرت كويس فى الكلام
عاوزك تفكر بعقلك وتلغى قلبك مجرد بس الخطوة دى
بعد كدة عرفت الانسانة كويس واتاكدت من حبك ليها واحنا متفقين من الاول انك مجهز نفسك
دلوقتى ممكن تتقدملها وتخطبها من اهلها
اكيد لو اختيارك صح من الاول يبقى الباقى انتا عارفة كويس
عيشوا حياتكم واستمتعوا بيها ......................بس فى حدود المسموح
اتمنى ان محدش يجرب اللى حصلى ............... بالسعادة والتوفيق
اقبل النقض وجميع الاراء ................................... والسلام