مساء الخيرع الجميع



انا المريض اللي غدا الوقت بدواه
  وانا الحزين اللي جروحه غزنه
وانا الفقير اللي فقد ماتمناه
  وانا الجريح اللي نسى الضحك سنه
وانا العشير اللي عشيره تناساه
  لابوك ياحظٍ قليلك تمنه
حظٍ بعد مديت له رد يمناه
  مدري ردي.. والا سنينه عصنه
تاه الغريب اللي فقد موطنه تاه
  جداه يلحق كل ونه بونه
شهب السنين الجايره لو تحداه
  واليا صمد بوجيهن واجهنه
ليت الطبيب اللي فرى الجرح يرفاه
  ومن العذاب اللي حصله يحنه
استوطنة طعناته وحاصر حماه
  وعليه حرب الصد دايم يشنه
هذي نهايتها مواجع ومأساه
  لاعاد من دربٍ ركابي مشنه
جعله يروح روحة مقيط ورشاه
  طويت صفحة مامضى طوي شنه