لا تسألني عن حالي ترى الحال تعبان
من هموم عيت النفس للغير تشكيها

أنا الأسير اللي ماحالفه حظه والزمان
ماتت أحلامه في بساتين كان ساقيها

سجين مقيد بيد ذاك الظالم السجان
نفذ أحكامه بجروح مالاقت من يداويها

طعنت في حكمه وأستئنفته بنسيان
ورضيت في دنيا صار ثوبي بلاويها

كل مالفتني أطيوفه ذكرت ذاك المكان
اللي جمعني بنبض روحي ومحبيها

تموت بالخريف أوراق فوق الأغصان
وتبقى العصافير وحيدة محدن يواسيها

أصعب شي أنك تعيش في قمة بركان
تذوق حر الدنيا وتتألم بقسوة مافيها

أقدر أقول أنك ياوليفي كسبت الرهان
وما بقالي غير ذكرى أتوست عليها.

وسلامتكم