لو تعتذر مالي من العذر مصلوح
عمر العذر ماردّ من مات حيّا
روح الرجا والصبر والشوق والبوح
راحت ضحايا رمح كفّ الجفيّا
قوت المشاعر ماوصل قلب مجروح
حتى طوى عشقه مدى الهجر طيّا
سيّان ياسايق لنا العذر بالنوح
في حال ترجع لي وحال القفيّا
يكفيك لا غنت على زاهي الدوح
ورقى لحنها من فراقٍ تهيّا
ويردد الماضي صور ودّ ومزوح
ويلتاع لك قلبٍ نصحته وعيّا
والعبره اللي خلت السر مفضوح
تسقي الثرى دمعٍ مصبّه علِيّا
وان ميزت نفسك عنى قلب مشفوح
لاتجتهد في عطف قلبٍ عصيّا

شكررررررررررررا على الموضوع الرائع