كنت اظن إن الوله له اختفى..
مااعشقه .. ما احبه .. ما اذكره


كنت اظن إن المشاعر له اوقفت..
ما اشوفه .. ما اكلمه .. ما اسمعه

ما هقيت يوم اشوفه اوله عليه..
ماهقيت اني لسى اذكره

..

موجوع قلبي
كانه البارح سرى
وصرت ابكي
كانه يومي اودعه

..

مخنوق صدري
وانفاسي مقطعه
ساعة ابكي
ساعة اضحك
ساعة مدري وش جرى

..

..

لاح طيفه في حنايا الذاكرة
ودي اجري له والمه
ودي اسمع منه همسه
وتوالت في عيوني صور من الذكريات

..

كنت احبه
كنت اوده
كنت بحضنه انام
يوم نضحك
يوم نزعل
يوم نتراضى
ويحكي لي حكاية قبل المنام

..

قال لي كيفيك من بعد طول الغياب..
جيت اقول اشتقت لك..
وفجاءة وقف فيني الزمن .. وقال لي لا تغلطين..
ماهو ملكك صار.. عنده عائلة لا تطمعين..
انتهى وقت خلص ..صار في حاله وانتي لك الله معين

..

..

قال لي هذي الوظيفة لك ياليت تداومين..
قلت بأذن الله بكرة..احسب اني قوية..ودارت برأسي السنين..
اذكر في هالغرفة نضحك.. وبهالملف متناقشين..
حتى اذكر يوم تذاكر لي وانجح.. وبعد اذكر اني في يوم انشغلت ومني زعلت..

..

كنت تقول اني في حبي لك طفلة..
وتركتني باثقال غرقانه ومشيت..
بقيت اصرخ وانحب .. مااحبه .. ما يحبني .. ماهو ملكي .. يالله اني طفيت

..

كنت اظن عادي اشوفك
كنت اظن اني نسيت
وبعد ما الوجد اشتعل
وسال سيل المحبة بخاطري
خفت اداوم بكرة ويوم اشوفك يشتعل فيني الحنين

..


..

كنت اظن اني نسيت..
وانه عادي اني ارجع..
ماهقيت الغيرة تلظى بداخلي..
وتسعر شراييني بنبض حب من جديد..
ايه حبيتك واحبك..
ولك حياتك ومنت ملكي..
هذا الي اختارته النا السنين

..

بس لا تطلب مني ارجع.. كنت اظن اني قويت.. وقلبي ميت.. ما هقيت اني تناسيت ونسيت




دمتم بود