ودي اتكلم في موضوع في خاطري احد يسمعني وهل توافقوني عليه اولا ان الانسان طبع من طباعه انه ما يقدر النعم الي هو فيها السؤال يطرح نفسه حنى في زمن الوفره بكل ماتعنيها الكلمه من معنى بكل شي وانا متأكد ان متوسط الدخل في الزمن هذا عايش افضل من قارون نفسه قارون يتمنى يكون من متوسطي الدخل الحاليين انا دايم احس اني بنعمه والله اني ناادر اشوف احد مثلي اكثر الناس ماتقدر النعمه الي هم فيها يعني مثلا انا مواطن سعودي لو جبت واحد من اجدادي وشاف العيشه الي عايشينها اكييد راح ينصدم وراح ينصدم اكثر اذا عرف ان فيه كثير مو عاجبتهم حياتهم الماديه يوووه الانسان كيف يفكر اجدادي كان ماعندهم اي شي لا ملابس مثلنا ولا سياره ولا مناخ (مكيف) ولا مستشفيات ولا علم ولا امن ولا تثقف ديني ولا قدره على السفر مثل الان ولا حتى نضافه ونتوا بكرامه ولا شي فرق كبيييير جدا جدا كانت القبائل متناحره ومافيه امان الواحد مايامن بيته والحين يالله على الفرق كبيييير جدا مع هذا تلقى ناس مو راضين من عيشتهم اااه الانسان كيف يفكر يعني لو خيرت واحد بين سيارتين وحده هونداي 2014 والثانيه مرسيدس موديل 1980 وش راح يختار اكييد الهونداي مع ان السياره الثانيه مرسيدس بس انها قديمه هل هذا يعني ان متوسط الدخل في هذا الزمن راكب سياره افضل من الغني عام 1980 ولا القناعه هي السبب طيب لو خيروك تكون مكان قارون هل راح توافق في الغالب لا وش كان عنده قارون لو قارون بيشوف نفسه عليك وش راح يقول ( ان سريري من الحرير ولدي بعض من الاحصنه الجميله )وانت وش راح تقوله عن الي عندك بلاوي واصلن ماراح يصدقك اشياء تعتبر سخيييفه في الوقت الحالي طيب انت عايش افضل من قارون ليش زعلان فيه تقرير سمعته قبل فتره ان الايفون 5 عام 1995 تكلفته 200 الف دولار الان ب990 دولار نعم كثيييره مانقدرها هل كان اغناء اغنياء التاريخ ياكل افضل منك لا واكيد لاننا في زمن الوفره في كل شي يعني الملك او السلطان في الجزيره العربيه ماكان يحلم ياكل لحم بقر مثلا وعد وغلط لان في الزمان الغابر كان الناس ياكلون من ماعندهم في منطقتهم حسب اذا كانت صحراويه او استوائيه اما الان تاكل الرمان وهو في غير موسمه انا قبل فتره جتني الزايده هل تتوقعون ان الله لو اراد وعشت ذاك الزمان راح اكون عايش وراح اكتب الموضوع هذا اكيد لا انا بنسبه لي اشوف لو حسبنا السعاده الماديه من نسبة 100% راح يكون الفقير 20% ومتوسط الحال 90%. والغني 100% الفرق بين متوسط الحال والغني تااافه جرب يوم واحد خلي الكهرب يوقف عندك يوم واحد بس وتعرف ليش انت افضل من قارون خليني اقول النعم الي عندي ويشاركني فيها كثير من الناس
1_ اني ولدت في بلد مسلم وفيه امان اكبر نعمه
2_ اني متعافي وخلقني ربي ذكر مو انثى مثل مابي
3_ اني مو يتيم وعندي ام وأب
4_ اني ماكل شارب نايم والحمد لله
5_ انا في بيت مو في الشارع وعندي سياره اتنقل فيها وغيري يركب باصات ويصف مع الناس
6_ اني ادرس وتعلم على حساب الدوله وفوقها يعطوني 1000 ريال
7_ اني في دوله ماتاخذ مني ضريبه مثل باقي سكان العالم متوسط الضرائب في العالم 50% من دخلك
انا قلت بعض من النعم الي عندي ونت وش عندك من نعم فكر بالي عندك راح تلقى انك تملك الكثييير وينقصك القليل اسف اني طولت بس ودي اوصل المعلونه كامله وشكرا