السلام عليكم

اقدم لكم قصيدة للشاعر محمد الاعرجي
(شعر عراقي)

اتمنى ان تنال اعجابكم ~


اخذوها بدمعها واني ما موجود
هيجي بسكتة عني انباكت المغرب
مو سهواً ولكن صارت استغلال
لئن لو اني يمها شحدة اليقرب
هدل متن الجفن كد ما بجيت دموع
عليها وع الليالي وذكريات الحب
واغانينا وصورنا الترسن الالبوم
ياهو الهسه يكدر بيهن يكلب
ما رايدها ترجع المهم ترتاح
بس طمنوني عنها وكلشي ما اطلب
ترة ضل بالي يمها الليلة وين تبات
بعدها صغيرة خاف بحضنه تستغرب
وزفوج بهلاهل وية طبت الليل
واني كبال عينج شيعوا امالي
ضليتي بنفسي ابد ماضكتج لهاليوم
ولهذا السبب ماينحل اشكالي
شكد خدج سحرني وسوة اغرائات
وماجيسة حلفت جي بعدة مو مالي
ضنيتج اليه باجر تصيرين
وكلت عود الي اريدة الكاه بلتالي
جنت ماادري انتِ بغيري تقتنعين
لو ادري وعلي جان اخذت لبالي
رايد حصتي منج عيني مو تنسين
من محصول حسنج ما اخذت حصة
امس وحدنة جنة وكلشي ماسويت
غشيم وماعرفت استثمر الفرصة
هسة اللي خذاج الليلة يطمع بيج
ويجي ايبوسج بدون اي رخصة
شهر يكضي العسل من شفتج اتحداه
اظن بيوم واحد يمكن يخلصه
وانة ضميتة اليه سنين اجمع بي
وجنت ماابوس شفتج حتى لا انقصه
امس الحاجة اني لهالعسل والله
صيري ام بيت عاد ومنة ضملي
لئن طبع لخذج مايقتنع طماع
واخاف يشربة كله ومايبقيلي
هسة شفتي بيج وكلشي بية اشتاك
بيد الليل منج بوسة وديلي
صبح جرحي بغيابج يلفت الانظار
ومن الام بعدج كومة يشكيلي
جرح جنت اضن مايمكلك اي حساس
شعر وجداني كام بعبرة يحجيلي
تعالي اليوم باجر يمته ماتردين
اني راح اضملج ساعة من ليلي
ولو ما تكفي خايف نبقى معتازين
لذلك ما اريد بسرعة نكضيها
ولا نبدي بعتب ونبذر الكلمات
ولا كل الدموع بساعه نبچيها
"ساعه" نسوي كلشي بيها اني وياج
بعدين السوالف عود خليها
وكت عدنا محدد وشكثر رغبات
هاي الساعة لازم نقتصد بيها
ويالماخذها مني الليلة مااوصيك
حبيبة قلبي هاي شتطلب انطيها
لا تجرح قلبها يوفقك الله ارجوك
بذمتك هي صارت لا تبجيها

..

شكررررررررررررا على الموضوع الرائع